The Father

The Father ★★★★½

من بعد ما خلصت الفيلم وأنا حاسس أني عايز أًصرخ بأقوي ما فيا وأقول
ياارب ده الإنسان مش حديد عشان يستحمل كل ده
يعني لسة حتي لحد دلوقتي في دموع في عيني وأنا بكتب الجملة دي
ولسة في كلام تاني في دماغي يعني بس أنا مش هكمله عشان مش عايز حد يتضايق لأنه مش قصدي هو يمكن تأثير الفيلم كبير عليا شوية...
من أكتر الأفلام اللي أنا عيطت فيها ومش بس بسبب الفيلم وأن فيه أكتر من مشهد يوجعوا القلب فعلا.. لكن كمان انطباعات الناس عن الفيلم وتقريبا كل واحد بيحكي عن ذكريات مع حد -هو يعرفه- مر بتجربة مشابهة بتخليني اعيط تاني وبصراحة أنا مكنتش متوقع أن الفيلم يبقي كدا.

طبعا التمثيل هو أقوي عناصر الفيلم وده يمكن بردو عشان أن مخرج الفيلم أساسًا كاتب مسرحي واللي هو بيعتمد بشكل كبير علي التمثيل والشخصيات وحتي أنا في التلت الأول من الفيلم بالذات حسيته أنه كأنه مسرحية اوي بس بعد كدا يعني الفيلم لحق نفسه
بس رغم كدا أنا حسيت أن أنتوني هوبكينز أضاف كتير للدور يعني عمل اللي المخرج عاوزه وزود كمان من عنده!

أخر حاجة عايز أقولها عن أفلام 2020 هو أنه احنا ممكن نبقي متفقين فعلا أن متوسط مستوي الأفلام فيها بشكل عام أقل من الطبيعي وده لظروف كلنا عارفينها .. لكن في رأيي ودي اللي ممكن نختلف عليها أن مثلا أحسن 5 ولا 10 أفلام فيها في نفس مستوي أحسن الأفلام من سنين تانية لأن 2020 فيها أفلام هنفضل فاكرينها والفيلم ده طبعا منهم.

Hasan liked these reviews