The Night Of ★★★★

خلصت المسلسل وانا حقيقي مصدومة وخايفة من ازاي ممكن حياة انسان تتغير في ثانية للأسوء بدون اي مقدمات، تنام 
 تصحي تلاقي حياتك اتشقلبت ١٨٠ درجة والاصعب انك تبقي متكتف مش عارف تعمل حاجة وانت بتغرق
 كل حركة بتحاول تقاوم بيها بتساعدك انك تغرق اكتر 
 
قريت جملة مرة ان
when you’re living high there’s nowhere left to go but down 
وانا شايفاها منطقية جدا بس المسلسل هنا بقي بيرد عليا و بيقولي واقتبس " لا لا مش شرط يا هنود الكلام ده، مش لازم تكون عايش فوق ولا حاجة المواضيع مش ماشية بالعنصرية دي الكل هيتحط عليه حتي لو عايش في القاع هيتحط عليك برده، محدش احسن من حد في حاجة".
المسلسل قدم فرصة كبيرة لريز احمد بأنه يظهر موهبته وبيثبتلنا انه قادر علي تجسيد مشاعر مختلفة بمنتهي الصدق 
المسلسل عبارة عن ٨ حلقات وكل حلقة  من ٥٠ دقيقة ل ساعة، ايقاعه بطئ ولكن يستحق المشاهدة.