Zack Snyder's Justice League

Zack Snyder's Justice League ★★★★

ياااااااااا دين امي ده فيلم مختلف فشخ عن المنيكة اللي شوفتها من اربع سنين.. نفس النتيجة النهائية بس طريق مختلف فشخ تحليل شخصيات عظيم جدا رسم كاركتر ارك مبهر لكل بطل جوا الفيلم كل واحد عنده تحولات واختيارات اتنفذت صح وبشكل متقن كتابيا، ستابينولف اللي كان تافه من اربع سنين بقي ليه دافع وهدف بقي اشرس واعنف، ظهور صغير لدارك سايد تمهيد للي جاي.. عرفنا كتير عن العالم ده وعرفنا عن المخلوقات اللي بنحاربها عرفنا تاريخ شخصياتنا. سايبورج اللي بقي محور الفيلم وقلبه زي ما زاك سنايدر قال، باك ستوري عظيمة خسارة وفقد وخوف وقوة غير مفهومة وبعد كانت شخصية مثيرة للاهتمام جدا بالنسبالي والممثل عمل شغل حلو جدا.. ذا فلاش بقي مهم وليه دور ملحمي وافيهاته حلوة و بسيطة ومشاهده في اخر الفيلم جميلة فشخ.. باتمان بقي عظيم فشخ وبن افليك فعلا احسن واحد أدى دور باتمان من وجهة نظري، جد فشخ وشخصية قوية وقيادي عكس النسخة اللي فاتت اللي كان تافه وملهوش لازمة خالص، وندر وومن اقل شخصية هنا ظهور واقل شخصية ليها تحورات وتقدم بس برضو مميزة وعنيفة عن النسخة الوسخة اللي فاتت.. اكوامان جميل جدا وعرفنا ليه كان رافض عرقه او دمه الأطلنطي مش مجرد واحد جامد اهو خليه يحارب معاك ويقول كام افيه ونمهد لظهوره في فيلمه الجاي وخلاص.. سوبرمان بقي رغم ظهوره القليل لكن برضو كل حاجة مكتوبه في عودة شخصيته مظبوطة وتطور عودة ذكرياته كان كويس برضو، لويس مهمة وعرفنا بتروح ليه عند قبره مش ايه ده لويس ايه انقذينا بقي وشوفي الاخ ده، لا اخنا عرفنا ليه بتروح وليه هي هناك اصلا.. مشاهد النهاية والجوكر كانت جميلة جدا وحببت الكلام فيها فشيخ وتصوير المشاهد دي كان حلو برضو وبيفتح مجال لعالم دي سي المتعدد اللي لو اتنفذ زي الكوميكس هيبقي عظمة
طبعا الفيلم مش كامل وفي كذا حاجة ضايقتني ومش اعظم حاجة في التاريخ بس جامد فشخ وانه يخليني افضل قاعد اربع ساعات وانا مهتم ومستمتع وانا عايز انام اصلا وروحت متأخر الشغل بس يستحق وربنا.. طيب بقي اي حد فاكر نفسه مهم واعلي من افلام الكوميكس لمجرد انها افلام كوميكس وخلاص، انا بتفرج علي افلام انسانيه ونفسية وهادية وبيتقال عليها مملة وخش شوف اخر فيلم ليا قبل ده ايه، انا بستمتع باي نوع فن واه ده فن، ف اي حد هيقلل من جمهور افلام الكوميس لمجرد التعالي ف كسمه، انا طفولتي كلها قدتها قدام الكوميكس وكارتون باتمان وجاستس ليج في ده جزء من ذكرياتي ف تاني كسم اي حد مش عاجبه نوعية الافلام دي لمجرد انه شايف انها تافهة وخلاص..
نسخة زاك سنايدر جميلة ممتعة مش خالية من العيوب لكن احسن بمراحل من النسخة الوسخة، سوداوية واعمق وناضجة واتمني انهم يبنوا عليه عالم دي سي لان بجد حجر أساس معمول صح واتمني عودة كل الممثلين دول لدوارهم وبالذات بن افليك..
ان ستوديو يرضخ لرغبة الجمهور وينفذ رغبته ويسمح ان المخرج او الفنان يعمل رؤيته بدون قيود بعد سنين من فشل النسخة اللي اتقدمت للناس.. حتي لو كانت رغبتهم هي الفلوس وخلاص مش مهم الناس كسبت في الاخر والفانز فرحوا بالنسخة اللي كانوا منتظرنها
شكرا ل زاك وشكرا لاي حد كان سبب اني اشوف الفيلم ده

Ahmed liked these reviews