Curfew

Curfew ★★★

في العقد الاخير او اكتر شويه اكبر مشكله موجوده في الافلام المصريه هي الكتابه وبعديها الاخراج وبعدين التمثيل ، الفيلم ده من الاعمال القليله الي قدرت تتغلب على اول مشكله بشكل كبير والتانيه والتالت بشكل متفاوت
النطاق الزمني لاحداث الفيلم مش كبير حوالي نص يوم لكن قدرنا نعرف كل حاجه تقريبا عن الشخصيات والماضي بتاعها وعلاقتهم ببعض وده اتعمل بشكل كويس جدا
الحوارات كانت بسيطه وواقعيه عشان كده ماحستش بأي ملل وكنت عايش معاهم طول الوقت ، ده مايمنعش ان كان فيه شويه تفاهه لكن بصراحه قليله جدا عن باقي الأفلام
شخصية الهام شاهين ممتازه سواء في الكتابه او التمثيل او التحولات او القرارات جميله جدا وعجبتني قوي ، عكس كل الكلام ده بقى مع أمينه خليل ، وبالنسبه لاحمد مجدي بعيدا عن اني مش بحبه لكن دوره مش كبير او مؤثر عشان كده مش هحكم عليه
مش التوكتوك من اوله لاخره اسوأ حاجه في الفيلم وتحس ان المخرج صعب عليه نفسه يكمل الفيلم من غير التفاهه الي متعودين عليها ، الليثي كان كويس جدا في مشهد السطح وعمل كوميديا جميله

mohamed liked these reviews