Curfew

Curfew ★★★★

فيلم دراما مصري جديد بيتكلم عن أم بتخرج من السجن بعد مرور 20 عام نتيجة لإرتكاب جريمة قتل.

بعد كدة بنتكتشف إنها قتلت زوجها وأبو بنتها الوحيدة، وبسبب ظروف حظر التجول بتبات مع بنتها بعد مرور السنين دي كلها ويبدأ نوع جديد من التحقيق بين الأم والبنت على ما كان وسوف يكون.

نتيجة دة بيظهر لنا مشاهد حوارية كتير أغلبها بيكون درامي والدراما دي بتتراوح مابين خفيفة وشديدة، وبعضها كوميدي كمان كعادة الشعب دة.

أوقات كنا بنحس إن التنقلات في مشاعر الممثلين متسرع ومش مبرر ولكن بعدها كانوا بيقدموا أداء ينسيك إللي حصل قبل كدة، وكمان الكوميديا أوقات كنا بنحس انها مقحمة شوية لكن الحقيقة إنها كانت بتضحك وبتخفف على المشاهد.

أنا حبيت الفيلم أوي رغم إنه مش أحسن حاجة في أي جزء من أجزاءة، لكن كان فيه مشاهد حقيقي ماشوفتش زيها في مصر من زمن.

تقييم الفيلم مفروض يكون مابين 3 أو 3.5 بس أنا فضلت إني أديله 4 عشان أحطه في قايمة أفضل أفلام في السنة.