The Father

The Father ★★★★½

طبعاً زي ما واضح للجميع الفيلم تقيل وجميل جداً

أول حاجة الإخراج، أغلب أفلام الزهايمر بتجبلك المرض من وجهة نظر الأخرين وإحساسهم بالشفقة على المريض وتأثيره على من حوله وتأثير من حوله عليه، عمر ما في حد دخل جوه عقل المريض نفسه وعرفنا إيه اللي بيجري فيها.

إحساسه بالقوة والضعف في نفس الوقت، ثقته في نفسه وإشفاقة عليها في لحظة واحدة والتحول مابين الحظات دي.

هنا الإخراج المتمكن مع المنتاج السلس اللي قدر يتنقل مابين لحظات الواقع والتهيؤات من داخل عقل المريض وعن طريقة عينه هو مش عيون الأخرين قدموا لنا درس سينمائي هيعيش كتير أوي.

الجميل في الفيلم وأكتر شيء عجبني هو سرد القصة، إحنا مانعرفش الفيلم بدأ إمتى وبدأ فين!

هل هو كان في منزله ولا منزل بنته ولا في غرفة المستشفى، إحنا مانعرفش بنته وقفة جمبه لحد أخر لحظة وإختارة إللي أفضل له ولا خانتها قدرتها في لحظة من الحظات وتخلت عنه مع إحساسها باليأس، إحنا مانعرفش أخر مُربية هل هي مربية فعلا ولا هي بنته الأخرى اللي ماتت في حادثة، وهل فعلا كان بيتم تعنيفه والإعتداء عليه جسدياً ولا كانت عالم نفسي جوة عقله!
كل دي أحساسيس جاتلنا وإحنا بنتفرج ومانعرفش إيه الصح وإيه الغلط، الإخراج قرر يعمل كدة ويحسسنا إحنا بإحساس التيهة اللي حاسس بيها المريض ويخلينا إحنا إللي عندنا زهايمر مش هوه.

انتوني هوبكينز مش بس قدم أحسن أداء في السنة لأ دة قدم درس تمثيل هيعيش كتير أوي، هدوء وثقة وروعة ما بعدها روعة، الممثلين اللي تقدر تتنقل مابين مشاهد الواقع والتيهة دي مافيش غير اتنين تلاته بس اللي يقدروا يعملوها السير واحد منها.

وماينفعش ننسى أوليفيا كومان اللي تستاهل اكتر من اللي هي فيه بكتير!

𝑆𝑖𝑟𝐵𝑒𝑠ℎ𝑖𝑟 ♤ liked these reviews