The Guilty

The Guilty ★★★½

أنا كنت أعرف الفيلم الأصلي من يوم عرضة وكنت ناوي أشوفه من ساعتها، ولكنه كان ضمن مجموعة أفلام كتير كنت بأجل مشاهدتها، ومش لسبب واضح أو معلوم، لا عادي كدة مش عايز أشوفهم دلوقتي، لغاية ما أعلنوا إن نتفليكس إشترت حقوق الفيلم وهيتم عمل نسخة أمريكية منه وإن هيكون بطل الفيلم هو جيك جيلينهال شخصياً، وهنا أخذت قرار ما.

مش هشاهد الفيلم الأصلي قبل الفيلم دة مهما كان، مع اني عارف ومتأكد إن الفيلم الأصلي أكيد هيكون أفضل في كل شيء كعادة الأمريكان في تخريب كل شيء، ولكن قراري كان لسبب واحد بس وهو إني عايز أشوف الفيلم والفكرة بأداء جيك جيلينهال.
مجرد فكرة مشاهدة جيك جيلينهال بيمثل في أي شيء متعة في حد ذاتها جيك أحد أفضل الممثلين على الإطلاق وقراري دة رغم انه خسرني متعة مشاهدة الفيلم الأصلي ولكنه كان وافي جداً في إني أتفرج على جيك وهو بيفن كالعادة مش بيمثل

أنا بحب جيك جيلينهال وبحب اللي يحبه!