Mirror

Mirror

معنديش أدنى فكرة أقيم الفيلم ازاي لأني معتقدش اني فهمت منه حاجة ، انا فاهم الإطار العام للقصة و هي ان فيه راجل مريض على فراش الموت بيعيش آخر ايام حياته و عمال بيسترجع ذكرياته و أحلامه كلها ، احنا بقا في ٩٠% من وقت الفيلم بنشوف الذكريات و الأحلام دي ، بس أنا في تقريبا كل المشاهد دي مش فاهم حاجة ، مش عارف مين دول ولا ايه بيحصل ولا اللي بيحصل دا في أي مرحلة عمرية من حياة الراجل دا ، مش عارف الراجل دا هو انهي واحد من كل العيال الصغيرة اللي كانت موجودة في الفيلم دي ، مش فاهم أي حاجة و مش عارف ايه اللي المفروض اطلع منه من المشاهد دي

دا انا بعد ما اتفرجت عالفيلم و جيت بقرا عنه عرفت ان الست اللي بتلعب الشخصية الرئيسية دي عاملة دورين ، دور امه و دور مراته ، و انا بقول بسم الله ماشاء الله هي امه كانت موجودة في الفيلم كمان! و دا يفسر اللغبطة اللي كانت عندي في كل مشهد الست دي كانت موجودة فيه (اللي هو تقريبا الفيلم كله يعني) ، ليه الاختيار دا؟ ليه تلغبطني و تخليني قاعد مش فاهم حاجة؟ انا متأكد ان لو قعدنا نتحنيك و نحاول نفسر كل فريم في الفيلم هنلاقي معنى عميق نييييق للاختيار دا بس انا اسف يبروو i didn't have any fucks to give about اي حاجة من اللي كانت بتحصل دي

و كل ما كان يعجبني مشهد ولا حوار جميل من اللي كانوا في الفيلم الاقيك بتعمل حاجة غريبة او الاقي الراجل في الفويس أوفر بيقول قصيدة ملهاش معنى بأداء صوتي أوفررر فشخ ، كسم الpretentiousness نيك يعني بأمانة

الفيلم مش وحش ، فيه لحظات كتير جميلة حتى لو مكانتش مفهومة بالنسبالي ، مكانش ممل في معظم وقته رغم اني حسيت انه كان طويل شوية زيادة عن اللزوم ، التصوير جميل فشخ على مستوى الشكل ، مليان لقطات أيقونية كتير ، رغم اني معجبنيش اللونج تيكس اللي عالفاضية و المليانة دي و كانت بتطول المشاهد زيادة عن اللزوم ، على عكس Stalker اللي اللقطات الطويلة فيه كانت immersive و بتدخلك جوا العالم بتاع الفيلم دا و بتتحسسك بالرحلة بتاعة الشخصيات لأن بشكل أو بآخر يعني Stalker يعتبر فيلم road trip ، فا اللقطات الطويلة كانت مؤثرة فيه ، هنا انا حسيتها فزلكة عالفاضي

بس عامتا انا مش متدايق أوي من التجربة ، كفاية الست الجامدة اللي كانت موجودة في تقريبا كل مشاهد الفيلم دي ، اللي انا معنديش مانع أفضل باصص في وشها ٣ ساعات متواصلين عادي ، و اللي واضح ان تاركوفسكي كان بيسيمب عليها و عمال يصورها من قفاها و من ضهرها و من كل حتة

Esma3el. liked these reviews