The Night of Counting the Years

The Night of Counting the Years ★★★★★

20 Film | 20 Countries
1. Egypt 🇪🇬

اية دة هو انتوا مستنيين رأيي فالفيلم بعد كل الريڤيوهات اللي قريتوها، اية هقول إن بعض القرارات الإخراجية معجبتنيش ولا أسلوب السرد غير موفق؟

يا راجل دة واحد من أعظم الافلام المصرية والعربية فالتاريخ عمل أصيل ومتفرد جدا وبيناقش قضايا مختلفة ومهمة من خلال أحداثه وشخصياته ومر ١٤٠ سنة ومازال في وسطنا قبيلة الحربات وعظيم جدا علي المستوي البصري كل كادر ممكن تصوره كلوحة فنية لوحدها والحقيقة شادي عبد السلام ملحقناش نستفاد من إمكانياته بشكل أكبر وخصوصا إنه توفي في حسرة علي فيلمه أخناتون اللي لم يتم إنتاجه وانا شخصيا حزين علي عدم إنتاج الفيلم لأنه كان هيبقي من الكلاسيكيات وتصوير عظيم للحضارة المصرية بعيون شادي ونقلة كبيرة للسينما المصرية.

ملحوظة: انا تقريبا الشخص الوحيد اللي أكتشف ثغرة فالسيناريو او بلوت هول في كتابة مبرر معين لموقف شخصية ونيس من أخوه ودة كان غريب بالنسبالي لإنه تصرف مع اخوه بشكل فيه نوع من الغضب رغم إن أخوه معرفش بالسر غير أول مرة مع ونيس وكمان عارض مبدأ الاعمام في بيع التراث وفي نفس الوقت ونيس عامله بطريقة غريبة وكأنه مجرم لما أخوه عرض عليه إنهم يلجأوا لمكان تاني بحياة جديدة ودة شئ في حد ذاته شوفته غير مقنع، عندي تفاصيل أكتر فالنقطة ديه بس مش حابب أطول اكتر من كدة اللي عنده تفسير يناقشني.

•فيلمي رقم #1000

Nabil liked these reviews