Kinky Boots: The Musical

Kinky Boots: The Musical ★★★★★

هو ايه الهدف من اي عمل ابداع، الهدف الأول؟
هو الترفيه
انا بقيت بستنى يوم الجمعة بفارغ الصبر عشان اتفرج على عمل مسرحي، من ساعة ما ابتديت الفرجة على المسرح
والنهاردة كنت مستنيه مسرحية شريهان، وخابت توقعاتي فيها
وبالصدفة لقيت المسرحية الموسيقية الاستعراضية دي
وكانت كفيلة بتغيير المود 180 درجة
كان فيها قصة واغاني واستعراضات ، حاجة فخمة
والاهم ان كل حاجة في مكانها الصح
المسرحية بتحكي عن "تشارلي" بيورث مصنع احذية من والده، والمصنع مهدد بالافلاس، وبيقابل سايمون او لولا، اللي هتكون الملهمة والمصممة اللي هتشتغل معه لتحويل انتاج المصنع لاحذية
Kinky Boots

شخصية تشارلي بتواجه تحديات ولها منحنى تطور شخصية، ابتدى بإنه مش عايز يمشى على خطى والده وواجه مصاعب انه يتقبل الاخر اللي هو لولا، والمشاكل في المصنع ، ومع خطيبته
يعني شخصية ثلاثية الابعاد ولها عمق
الاغاني مرتبطة بالاحداث وبتعبر عن اللي بتحس وبتواجهه الشخصيات
كل الشخصيات هتلزق في الذاكرة من جمالهم، بالذات لولا
تصميم الديكورات والاضاءة حاجة في منتهى الروعة
انا عمري ما شفت القطع المتبادل في المسرح لانه ما ينفعش ، ده مونتاج سينما
بمعنى حدثين بيقعوا في نفس الوقت، وبنقطع ما بينهم
المخرج عمل كدا في المسرحية، انه خلى فيه حدثين في طابقين منفصلين، وبيفصل بالاضاءة بين فوق وتحت للتنقل بينهم وكدا جاب حدثين متزامنين في نفس الوقت
حاجة اخر جمال

المسرحية دي مش للناس الهوموفوبيك لانها بتتكلم عن ال
drag queens
غير كدا، بجد هتستمعوا بها جدا